.Tḥeml-eḍ tamurt-ik
Tenni-ḍ : « Idles d adzaṛfi »
Tugm-eḍ-d tudert-ik
Iwegdud ak ttmetti
Tekkr-eḍ teskefl-eḍ-d at zik
S tira zeddigen ttmusni
At n wass-a ttajmilt-ik
Cfan i yat yiḍelli

.Abrid yettawin
Yak nezra yezzi dzezzif
D win yettalin
Ar taddart (n) tlelli d nnif
Yuzzel yesni-d tidzaltin
Yegzem tizgi d wasif
D irgazen ak ttulawin
Begsen zwin adzilif

.Necfa-d n wala
Yettwaru nedz ttimawit
Mazal ar tura
Tesmezhir-ed tmeddit
Yal yiwen akken yufa
Yaṛẓ-ad asalu (n) tneflit
Imi dayen nemwala
Ilaq adz id gri talwit

.Fiḥel ara ad nales
Yal tirect deg-s akaṛfa
Ajajiḥ (n) tmes(t)
Iweclim ak ttwekka
Azal umeslay d iles
I si tettnarni taṛwa
Aqṛuṛ ad ilmed idles
Tanmirt azul a yemma
 

 

.Awal (i)d ifeddun
D cna imerzwura
Yezzi-d i lkanun
Yedduri tasga
S wid iceffun
Yess (en) i nettgalla
D wid yettarun
Akken ilaq ass-a

.Tajmilt i tlawin
Yugin tamara
Tiyirsi yefsin
Tawes d Ḥnifa
Tagarjumt yeftin
Yessis n tsedda
Tuli-d di tudrin
Tenna-d tilufa
Rgagint teswin
Ilul-ed wass-a

.Akin i waman
Yurz-aɣ wesmekti
Ssel i Dda Sliman
Ak d Lḥesnawi
Lɣaṛba d wurfan
Tazla d imeṭṭi
Tamurt imawlan
Yak tegr-ed tidzṛi
Cnan d inagan
Iwaken an wali

.Yargagi yuɣwas
Yixef-iw di tawla
Muḥya d Lwenas
Izri d Meksa
Atrar d asalas
Yebrir ttasuta
Idles deg-wuɣarbaz
Akken iwata
Azref i tullas
Att-cnu tarwa

.Rgagint taswin
ilul-ed wass-a
Cnan d inagan
Iwaken an wali
Azref i tullas
Att-cnu tarwa
Rgagint taswin
ilul-ed wass-a
Cnan d inagan
Iwaken an wali
Azref i tullas
Att-cnu tarwa